News News

የአማራ ክልል ሥነምግባር እና ፀረ-ሙስና ኮሚሽን ከ80 ሺህ በላይ ለሚሆኑ ሀብት አስመዝጋቢዎች የመጀመሪያ ደረጃ እና ዳግም ምዝገባ ማከናወኑን አስታወቀ፡፡

የአማራ ክልል ሥነምግባር እና ፀረ-ሙስና ኮሚሽን ከ80 ሺህ በላይ ለሚሆኑ ሀብት አስመዝጋቢዎች የመጀመሪያ ደረጃ እና ዳግም ምዝገባ ማከናወኑን አስታወቀ፡፡

አዲስ አበባ፡ ታህሳስ 2/2013 ዓ.ም (ፌ.ሥ.ፀ.ሙ.ኮ.) ሙስናና ብልሹ አሰራርን አስቀድሞ ለመከላከል የመንግስት ተሿሚዎች፣ የህዝብ ተመራጮች እና የመንግስት ሰራተኞች የሀብት ማሳወቅ እና ምዝገባ እዲያከናውኑ በህግ ተደንግጓል፡፡

በአማራ ክልል ሥነምግባር እና ፀረ-ሙስና ኮሚሽን የሀብት ማሳወቅ እና ምዝገባ ዳይሬክተር ዘላለም ህብስቱ እንደገለጹት በክልሉ ከ2005 እስከ 2012 ዓ.ም ከ65 ሺህ በላይ ለሚሆኑ ሀብት አስመዝጋቢዎች የመጀመሪያ ደረጃ ምዝገባ ተከናውኗል፤ ከ15 ሺህ በላይ ደግሞ የዳግም ምዝገባ ተካሂዷል፡፡ በአሁኑ ወቅት ደግሞ ሶስተኛ ዙር ምዝገባ መጀመሩን ዳይሬክተሩ አስረድተዋል፡፡ በዚህ መሠረት እስካሁን ኮሚሽኑ ባደረገው የነባር ሀብት አስመዝጋዎች መረጃ እድሳትና አዲስ ምዝገባ ከ80 ሺህ በላይ ሀብት አስመዝጋቢዎችን የማደስና የመመዝገብ ስራ መሰራቱን ዳይሬክተሩ ገልፀዋል፡፡

አንድ የመንግስት ተቀጣሪ በመንግስት መስሪያ ቤት ከተቀጠረ እስከ 45ኛው ቀን ሀብቱን እንዲያስመዘግብ፣ በእነዚህ ቀናቶች ካላስመዘገበ 1 ሺህ ብር ተቀጥተው እንዲያስመዘግቡ አዋጅ ቢኖርም በተቀመጠው ህግ መሰረት ቀርቦ በማስመዝገብ በኩል እጥረት እንደነበረም አቶ ዘላለም ተናግረዋል፡፡

ምንጭ፡- “የአማራ ብዙኀን መገናኛ ድርጅት”